::: Bide ertzean zuzenean, Leidor sessions.
Michael
Jackson
ez da hil
090626
• Tolosa •
Leidor Sessions
kontzertua eta gero, Mescalen festa ederra antolatu
genuen. Irudian, Bide Ertzeaneko kide batzuk eta hainbat
lagun azaltzen gara, "We are the world" kantatuz.
Musikalki urruti bagaude ere, artista bezala beti iruditu
zaigu liluragarri Michael, dantzan, kantuan... Festagiroan
zenbatetan kantatu ditugu bere kantuak Tolosako Mescalen.
Hedabideek diotenaren kontra, Michael ez da hil. Mescalen
jarraituko du dantzan eta kantuan, zeru griseko egunak
edertuz.
Garate
post Sessions
090522
• Tolosa •
“Leidor
sessions” diskoari forma emateko audioaren
nahasketa lanak egiten hasi ginen, orain hilabete.
Eta zertan datza diskoan txertatuko ditugun kantuen
nahasketa prozesua? Bada, hori hobeto ulertzeko
Garate estudioan bideo irudi gehiago hartu ditugu. Joni
aritu da kamara eskuetan hartuta, hauexek bideoaren
protagonista nagusiak: Ima Ubeda kantaria, Joserra Senperena
hammondista eta Kaki Arkarazo soinu hartzailea. Garateko
sesioen bi bideoak Youtube gunean.
From
Leidor to Garate
090219
• Garate, Andoain • Photo
Hasi gara “Leidor sessions”
diskoari forma ematen. Gogoangarria izan zen urtarrilaren
16an Tolosako Leidor Aretoan eskaini genuen kontzertua.
Nekez ahaztuko dugu bertaratu zirenek egin ziguten harrera.
Orain, zuzeneko CD-DVDari forma emateko garaia da.
Audio nahasketekin hasi gara aste honetan. Andoaingo
Garate estudioan ari gara lan hori egiten. Raul Lopez
ere, bideo-grabazioaren zuzendaria, DVDa osatzeko irudien
muntaiarekin hasi da.
Ederra
Horrela
laburtuko dugu urtarrilaren 16ko kontzertu-ospakizuna.
Taula gainean izan ginenok zein alboan izan genituen
teknikari eta laguntzaileek ordu asko egin genituen
lanean. Orain, lana behar bezala bukatzea baino ez zaigu
falta. Ea berandu baino lehen, buruan dugun CD-DVDa
plazaratzeko moduan garen. Lerro hauen bitartez, eskerrak
eman nahi dizkiegu denei. Baina bereziki, Leidorrera
hurbildu zineten lagun guztioi. Hunkigarria izan zen
jaso genuen harrera. Festak Mescal tabernan izan zuen
jarraipena. Laster arte, lagunok. Kantuari keinu eginez,
"zuekin kantatzeko jaio bide ginen mundura".
Ostiral
honetan
Leidor antzokian
Bide
ertzean zuzenean: Urtarrilak 16 Ostirala 22:00
Dagoeneko
eskura daude urtarrilaren 16ko kontzerturako sarrerak.
Denak zenbakituak dira, beraz, garaiz ibiltzen denak,
gustuko eserlekua aukeratu ahal izango du. Sarrerak
ServiKutxan, Telekutxan (943 00 12 00) eta www.kutxa.net
webguneetan eskura daitezke. Eta bestela, Tolosaldeko
ohiko saltoki hauetan: Orbela
taberna (Tolosa), Mescal taberna (Tolosa), Zunbeltz
musika denda (Tolosa), Ernaitza liburudenda (Andoain)
eta Urepel gazte elkartea (Berastegi). Leidorreko
lehiatilan ere izango dira sarrerak salgai.
DATORREN
URTARRILEAN TOLOSAN ESKAINIKO DUTENA 1998-2008 urteetan
egindako diskoen eta kantuen errepasoa izango da. Kantu
zaharrenak boskotera birmoldatuko dituzte eta kantu
berriren bat entzuteko aukera ere izango da.
Karlos
Aranzegi, Fran Iturbe, Joserra Senperena, Imanol Ubeda
eta Joni Ubeda Bide Ertzean
taldearen zuzeneko CD-DVDaren grabaketa prestatzen ari
dira burubelarri.
Kontzertua
ikusgarria izango da. Taldearen gorputz eta arima izan
direnak berriro elkarrekin taulgainean izango direlako,
batetik. Musikariak jotzen ari diren bitartean hainbat
bideo proiekzio tartekatuko direlako, bestetik. Zuzeneko
hori, gainera, CD eta DVD formatuetan argitaratuko da.
Berezia, bakarra izango da Tolosako saioa. Ikusgarria.
Iruñeako
Erraldoien Txokoan ateratako argazkia. Historia handikoa,
gainera. Ezker-eskuin: Fernan Irazoki, Joserra Senperena,
Kaki Arkarazo, Joni Ubeda, Imanol Ubeda, Karlos Aranzegi
eta Fran Iturbe.
"Beti
izan naiz zuzenekoen diskoen zale"
Joserra
Senperena
“Beti
izan naiz zuzeneko diskoen zale: Deep Purpleren Made
in Japan, Eric Claptonen Just one night,
Live fron New York city, 1967 edo Lluis Llachen
Gener del 76. Disko hauetan recordingak ezinezkoak
dira (instrumentuak mugarik gabe gehitzea), ezta trackak
errepikatzea behin eta berriro, ezta grabaketa estudioari
esker egin daitezen beste trikimailu-tranpa guztiak.
Zuzeneko haietan klaketa ere ez zen erabiltzen (egungoetan
bai), horri esker musika den bezala entzuteko parada
dugu, bere alderik gizatiarrenean.
10 urte Bide Ertzean sortu ondoren, Ima, Joni, Karlos,
Fran eta nik zenbait kantu berriro grabatzea erabaki
dugu, eta zuzenean izango da, taulagainean entzuten
den bezala, ezer gehiago erantsi gabe, trikimailu eta
klaketarik gabe. Gaur sentitzen ditugun moduan ari gara
berrikusten eta jotzen, euren instrumentazioa eta egiturak
moldatzen, Imak aurten idatzi izan balitu bezala. Eta
prozedura hunkigarria izaten ari da. Taldea, lantalde
teknikoa eta gure ingurua ilusio handiarekin egitasmoa
lantzen gabiltza.
Gainera kontzertua filmatu egingo da. Raúl Lópezek
zuzenduko du, Lucio montatu zuena, azken urteotan
Euskal Herrian ekoiztu diren pelikularik onenetako bat.
Eta eszenatokia Tolosako Leidor antzokia izango da,
Bide Ertzean taldearen ohiko lekua..
"Leidor
sessions"
Imanol
Ubeda
Bide
ezberdinetatik iritsi gara eta bide berriak urratzen
jarraitzeko borondatea dugu. Baina bide ertzean, beti
aurkitu dugu elkartzeko tarteren bat.
Ez dakigu oso ondo nola hasi zen den DVDaren kontua.
Eta ez galdetu nola iritsi garen honaino. Kantu bat
bukatzeko eta beste hogeitalau zuzenean eskaintzeko
premia dugu.
Atzeko ispilutik, urrun ikusten ditugu 1998an plazaratu
genituen kantu xalo horiek. Baina hamar urte bete dituzten
kantu horiek ate joka ditugu berriz ere. Eta gu pozik.
Aspaldiko lagunen bisitak hala izaten dira.
Atzera begiratzeko beldurrik ez dugu baina guk aurrera
begiratu nahi genuke. Eta neguko gau hotz hauetan, boskote
bat entzuten da Tolosako Leidorren. Joserra, Fran, Karlos,
Joni eta Ima. Kantuari emanak. Zuzenean. Inongo artifiziorik
gabe. Aspaldiko rock taldeak bezala.
Ez galdetu nola iritsi garen honaino, irudiak betikotuko
gaituen unera eta tokira. Guk ere ez dakigu oso ondo.
Sinplea baita gure artekoa. Kantu baten barruan kabitzen
den aberria da gurea.
"98-08.
10 urte,
zuzeneko bat"
Karlos
Aranzegi
Nork esango zigun ‘98ko uda hartan Café
Iruña mitikoan elkartu ginen hirukoteari ‘08ko
udan,zuzeneko bat grabatzeko asmoetaz hitzegiten arituko
ginenik?
10 urte adin polita da,zuzenekotan ederki pasatzen dugu,eta
gaur egun boskote bezala finkatu garen Joni, Ima, Joserra,
Fran eta Karlos-i zuzeneko hau egiteko unea iritsi zaigula
sentitzen dugu.
Hainbat kantu zahar eta berri berreskuratzen ari gara
azken hilabete hauetan.Lan hori,etxean gorderik duzun
argazki kuttunen bilduma berrikustea bezala da.Kantu
bakoitzak hainbat bizipen eta momentu bergogoratzen
dizkizu.Argazkiak ez bezala, kantuak birmoldatu eta
gaur egungo janzkeretara egokitu daitezke,ta hortan
gabiltza buru belarri,gogotsu,ahalik eta jantzi dotoreenekin
janzten.Lan polita.
Beraz,Urtarrilaren 16an ea nola geratzen zaigun argazki
bilduma,gu ahalik eta argazki politenak egiten saiatuko
gara. Dotore etorri,ze, zuek ere argazkian parte hartuko
duzue”.
|
