Biografia
diskoz disko
:::
1998-2008, ARGAZKI BILDUMA
::: Zure Minari, Grisa, Maite out, Esan bare, Non Dira...
1998
Maxi
CD-a 1998ko San Joanak. “Aupa Karlos! Kafe bat
hartuko dugu? Imak eta nik proposamen bat egin nahi dizugu”.
Hitzordua jarri eta kafe batekin hasi zen udako arratsalde hura,
entsegu batekin amaitu zen. Geroztik, 10 urte pasa dira.
Karlos Aranzegi baterijolea Ubeda anaiek esku artean zuten egitasmoari
lotu zitzaien. Estraineko diskoa, lehen aldiz Imanol kantari lanetan
aritzen dena. 1998ko maxi-Cdan, beraz, lehen kantuak kantariaren
paperan eta lehenak, noski, talde modura plazaratu zirenak.
Disko hau Azkarateko Katarain estudioan (Nafarroa) egin zen, 1998ko
udazkenean. Estudiora zuzenera agertu ziren Labrit kantaria eta
Fran Iturbe kitarra jolea, Tolosako hirukotearen lana osatu asmoz.
1999
Zure
Minari disko berezia da, Jose Luis Otamendiren poema
gustukoenak bildu eta moldatzeko aukera izan zutelako. Disko hau
Azkarateko Katarain estudioan (Nafarroa) egin genuen, 1999ko udaberriaren
hasieran. "Badator eguna" kantua, ordea, urtarrilaren
amaieran grabatu genuen Lorentzo Records estudioan, Senideak-en
enkarguz. Kolaboratzaileak: "Badator Eguna" kantuan Gorka
Urbizu, Igor Elortza eta Ruper Ordorika.
2000
Grisa
diskoa 2000 urteko ekainetik abuztura bitartean grabatu zen Katarain
estudioan (Azkarate) eta Garate estudioan (Andoain). Fran Iturbe,
Karlos Aranzegi eta Ubeda anaiak dira taldearen oinarri finkoa baina
musika jende askorekin harremanatzeko disziplina egokia da. Grisa
diskoan hauek izan dira kantuak loratu dituzten lagunak: Gorka Urbizu
(Berri Txarrak), Xabier Solano (Etzakit), Betagarriko metal hirukotea,
Alos hari-laukotea eta Mikel Erentxun.
2002
Maite
Out diskoa 2002 urteko apiriletik uztaila bitartean
grabatu zen Garate estudioan (Andoain-Gipuzkoa). Joserra Senperenak
disko osoan egin zuen lana, kolaboratzaile huts batena baino haratagoa
joan zeba. Izan ere, taldekide da geroztik. Ixiar eta Amaia Oreja
kantuan aritu ziren laguntzaile.
2004
Esan
bare diskoa 2004 urteko urtarriletik abuztua bitartean
grabatu zen Garate estudioan. Joserra Senperena burubelarri aritu
zen diskoan, dagoeneko boskote modura landutako diskoa.
2006
Non
Dira 36ko Gerran oinarritutako kantu sorta, oihartzun
zabala izan zuen diskoa. Quique Gonzalez eta Gorka Urbizu aritu
ziren kantari lanetan. Diskoak oro har, eduki aldetik eta musika
aldetik, kritika bikainak izan zituen.
|
