LEIHOTIK DAKUSAT GAUA

leihotik dakusat gaua
ari garatxoek jana
eta enarak lo
eta udazkena zain itzultzeko
hona

burmuina miatuko dizut
denbora-pasa
eta ahal izatekotan
oroitzak
hodei batzuk ostu
malkoen baratza

zubiak jasoko ditut
hemendik horra
eta norbaiti hitz egin bakardadeaz
bakarrik ez egoteko
berriz beldurrarekin

neure burua dakusat
zuloak egiten hondartzan
mundua urperatzen denentz

oraindik gazte gara

[Jose Luis Otamendi]
ZURE MINARI, 1999