2004ko urria • HEMEROTEKA•

2004-X-14 GARA
Bide Ertzean: «Intentamos pintar nuevos trazos e ir superándonos»

Tras el disco «Maite Out» y dos años de silencio, el grupo Bide Ertzean vuelve a irrumpir en escena con un disco con once temas llenos de «energía y frescura». «Esan bare» es el título del álbun, un trabajo sereno y tranquilo que han ido grabado poco a poco. Empezaron en el mes de enero en tandas de cuatro canciones. Esta vez han contado con la colaboración de Joserra Senperena en los teclados, e incluyen poemas de Kirmen Uribe, Mikel Ibarguren, y Jose Luis Otamendi.

El cuarteto formado por los hermanos Joni e Imanol Ubeda, Fran Iturbe y Karlos Aranzegi, Bide Ertzean, acaba de presentar su último trabajo : “Esan bare”, un disco donde «el oyente se encuentra un trabajo lleno de temas simples, con guitarra y voz, junto a otras más crudas y elaboradas», recalca Imanol Ubeda, cantante del cuarteto.

Siempre se dice del último trabajo que es el más elaborado o el más profundo. Imanol también lo sabe y por eso asegura que «siempre intentamos mejorar lo anterior y si lo conseguimos o no es otra historia. Queremos dar algo más de lo que hemos ofrecido hasta el momento, intentamos pintar nuevos trazos y superarnos con cada trabajo», cuenta Ubeda.

No son nuevos en esto, ya llevan ocho años tocando y editando discos sin parar. El primer trabajo fue un maxi publicado en 1998, y después vinieron los discos “Zuen Minari”, “Grisa” y “Maite Out”. Llevaban dos años sin publicar nada, y ahora vuelven a la escena musical con este álbun con once canciones que muestra «la trayectoria de ocho años», recalca el cantante y guitarrista.

«Poco a poco»
A pesar de que el título del disco no tiene mayor trascendencia para Imanol Ubeda sí hace referencia al modo de grabar que han utilizado. «Empezamos a grabar en enero, pero las canciones las hemos ido grabando poco a poco y de cuatro en cuatro. La segunda tanda fue en abril y la última en julio. Nos hemos tomado las cosas tranquilamente, por eso lo de “bare”. El proceso del disco ha sido pausado», relata Imanol. Gracias al método que han utilizado para grabar el disco han tenido tiempo de «mimar» el álbum.

En este trabajo, Bide Ertzean ha contado con diferentes colaboraciones. En este álbum se puede escuchar el piano de Joserra Senperena, tal y como ocurriera en “Maite Out”. «Hace dos años que nos adentramos con él en sonoridades diferentes, y ahora hemos continuado el trabajo que comenzamos en nuestro anterior disco», cuenta Ubeda.

En “Esan bare” el pianista se ha implicado más en las canciones. Pero si en algo se caracteriza el cuarteto tolosarra es en la colaboración que establecen con diversos autores, algo que se repite en este último disco. «Incluimos tres poemas de Kirmen Uribe, otro de Jose Luis Otamendi y también un poema de Mikel Ibarguren», señala Imanol Ubeda.

Grupo de trabajo habitual
En esta ocasión han contado con su habitual grupo de trabajo. «Desde 1998 seguimos trabajando de la misma forma, dando coherencia al grupo. El diseño nos lo hace Garbiñe Ubeda, y las fotografías son del fotógrafo tolosarraBaxi», cuenta el cantante.

Esto se debe principalmente a que quieren dar continuidad «tanto al hilo musical como con al hilo estético del principio», afirma el cantante tolosarra.

2004-X-14 Felix Ibargutxi Diario Vasco
Uribe, Otamendi eta Ibarguren poetekin pop barea egin du Bide Ertzean taldeak

Tolosako taldeak bere bosgarren diskoa plazaratu du: 'Esan bare'

Bide Ertzean talde tolosarrak bere bosgarren diskoa plazaratu du: Esan bare (Gaztelupeko Ho-tsak). Aurreko diskoak pop alorrekoak zituen eta hau ere bide horretatik doa. «Pop britainiar eta eta estatubatuarraren unibertso horretan sar daiteke gurea ere, baina ez dakit non», esan zuen atzoko aurkezpenean Imanol Ubeda abeslariak.

«Diskoa, berriz ere elkartzeko aukera izan da -jarraitu zuen Imanol Ubedak-. Taldeak bost urte ditu eta hasieratik jende bera ari gara. Bai Gaztelupeko Hotsak, bai gu eta baita Garbiñe Ubeda diseinugilea ere. Grabazio prozesua, aldiz, desberdina izan da. Urte osoa pasa dugu, eta azken ekinaldia uztailean izan zen. Emaitzean nabaritzen da poliki ibiltze hori. Lasai egin dugu lana eta izenburuko 'bare' horrek islatzen du grabazio prozesua».

Orain ere bi eratako testuak erabili dituzte kantuak presta-tzerakoan: batetik, Imanol eta Joni Ubeda taldekideenak; bestetik, zenbait olerkarirenak. Jose Luis Otamendiren olerki bat hartu dute, eta ez da harritzekoa, aurrekoetan ere Azpeitiko poeta honen liburuetara jo izan baitute. «Beti agertzen da gure taldean», esan zuen atzo Imanol Ubedak. Horrez gain, Kirmen Uriberen Bitartean heldu eskutik liburuko hiru olerki hartu dituzte, eta Mikel Ibargurenen Hotel Bel-Air liburuko bat.

Zertaz diren taldekideek egindako testuak? Hona Ubedatarren erantzuna: «Agertzen ditugu gure kezkak, nola ikusten dugun herri hau, nola ikusten ditugun geure buruak... Sekula ez gara izan leloetako taldea. Irudi eta metaforekin jokatzen dugu, eta handik aurrera norberak nahi duena pentsatzea asko du».

«Bare» hitzak ondo definitzen omen du diskoko giroa, «nahiz lehenengo kanta bizia den. Gero, giro barea nagusitzen da».

Gaztelupeko Hotsak disketxeko promozio orriak dioenez, Beatles, Brian Wilson, Big Star, Elliot Smith, Cars, Neil Young, JJ Cale eta Costello» aurki daitezke talde honen abestietan. Ubedatar anaiak ez datoz guztiz bat: «Beno, orri horretan datorren testua kritikari batek idatzia da. Beharbada beste batek bestela pentsatuko du». Grabazioko teknikaria Kaki Arkarazo izan da.

2004-X-14 MIKEL LIZARRALDE BERRIA
Bare esandako hitz eta doinuak

Bide Ertzean taldeak hiru saiotan grabatu du 'Esan bare' diskoa, pop estatubatuarraren eta ingelesaren eraginpean landutako lana

Lasaitasun giroan ondu du Bide Ertzean taldeak lan berria, bere ibilbideko bosgarrena. Horregatik, hain zuzen ere, jarri dio Tolosako taldeak Esan bare (Gaztelupeko Hotsak) izenburua. «Diskoaren sortze prozesua nolakoa izan den adierazten du, eta, era berean, diskoak ere baretasun giro hori islatzen du», azaldu du Joni Ubeda taldeko kideak.

Izan ere, aurreko lanak ez bezala, denbora tarte luzean grabatu du Bide Ertzean-ek Esan bare. Urtarrilean grabatu zituzten lau abesti, apirilean beste lau, eta uztailean gainerako hirurak. Guztiak Andoaingo Garate estudioan grabatu zituzten taldearen ohiko kolaboratzaile batekin, Kaki Arkarazorekin. Imanol Ubedaren arabera, «grabatzeko modua ezberdina izan da guretzat. Horrek prozesua luzatu du, baina emaitzean ere islatzen da lan egiteko modu hori». Taldeko gitarristaren arabera, «erditze ona izan duen haurdunaldia» izan da diskoaren grabazio prozesua. «Lan egiteko modu zehatzagoa da, eta kantu bakoitzari denbora tarte handiagoa eskaini ahal izan diogu».Deabruak Teilatuetan taldeko bi kideren proiektu gisa sortu bazen ere, Bide Ertzean-ek diskografia sendoa osatu du 1998tik gaur arte; betiere, pop-rockean eta melodia argitsuetan oinarrituta. Hasiera batean Imanol eta Joni Ubeda anaiek Karlos Aranzegi bateria jotzailearekin sortutako taldeari Fran Iturbe gitarrista gehitu zitzaion orain dela urte batzuk, eta Maite out lana grabatu zutenetik (2002), Joserra Senperena pianista aritzen da beraiekin. «Elkar ondo ezagutzearen ondorioz», lan egiteko modu bat finkatu dutela eta hori disko honetan nabaritzen dela dio Joni Ubedak: «Imanolek egin ditu doinuak, eta ondoren Karlosek eta biok talde dinamika batekin landu egin ditugu. Segidan, Franek Iruñean duen lokalean atondu egin ditugu kantuok, eta azkeneko saioetan Joserra Senperena gehitu zaigu. Nahiko ezarrita daukagu lan egiteko modua».Halaber, lan egiteko modu horrek bi urtean behin elkartzeko aitzakia ematen diela aitortu du Imanol Ubedak; «ez bakarrik musikariak, baizik eta 98tik gurekin egon den jende guztia: Gaztelupekoak, Garbiñe Ubeda diseinatzailea, Baxi argazkilaria...».
Maite out diskoan AEBetako sustraidun rockaren eragina utzi zuen agerian Bide Ertzean-ek, eta Esan bare lanean bide horretan sakondu dute, jatorri ingeleseko pop-rock doinuak albo batera utzi gabe. «Pop britainiarraren edota estatubatuarraren unibertsoan sar daitekeen taldea da Bide Ertzean, eta jotzen edota kantuak sortzen ari garen heinean, baten edo bestearen eragina azaleratzen dugu», esan du Joni Ubedak.

Otamendi, Ibarguren eta Uriberen hitzak
Bide Ertzean (98) bost kantuko disko laburrarekin estreinatu zenetik, Bide Ertzean-ek sarritan erakutsi du taldekideen literatur zaletasuna. Zure minari diskoa Jose Luis Otamendiren poemekin osatu zuten, eta lan guztietan musikatu dituzte zenbait euskal idazleren hitzak. Esan bare ez da salbuespena. Iritsi dira notiziak, Zerotik hasi eta Zuhaitzen denbora Kirmen Uriberen Bitartean heldu eskutik liburutik hartuak daude, Konplotean dihardut poemaren egilea Otamendi da eta Hotel Bel-Air, berriz, Mikel Ibargurenen Deserriko karrikak liburuan atera zen. Gainerako hitzak, berriz, Imanolek idatzi ditu. «Hasieratik estilo ezaugarri batzuk izan ditugu, eta idazleak ere horien arabera aukeratzen ditugu». Hitzetan ingurunea nola ikusten duten kontatzen dutela esan du Imanol Ubedak: «Eta baita gure burua nola ikusten dugun ere». Nolanahi ere, Bide Ertzean ez da, Ubedaren ustez, leloei lotutako talde bat: «Irudiekin eta metaforekin jolasten dugu eta entzule bakoitzak bere irakurketa egin dezake».

Azaroan eta abenduan diskoa aurkeztuko dute: azaroaren 5ean Durangoko Kafe Antzokian, azaroaren 12an Donostian, azaroaren 17an Iruñean, azaroaren 26an Ondarroan, abenduaren 2an Bilbon, abenduaren 3an Andoainen eta abenduaren 15ean Leioan.

2004-X-14 HITZA
Kalean da 'Esan bare', Bide Ertzean taldearen lan berria

Prozesu luze baten emaitza da tolosarrek aurkeztu duten bosgarren diskoa

«Lan talde guztia berriz ere elkarrekin aritzeko aitzakia eman digu disko honek. Bi urteren bueltan, plazer handia da guretzat berriro elkartzea». Kalean da Esan bare, Tolosako Bide Ertzean taldearen lan berria. Hala ekin zion aurkezpenari Imanol Ubedak, atzo, Donostiako Alde Zaharreko liburutegian.
Prozesu luze baten emaitza da Esan bare. Izenburuak ere islatzen du hori: «Gauzak lasai hartu ditugu; prozesu guztia nolakoa izan den islatzen du lanaren izenburuak. Diskoaren erritmoa ere azaltzen du: lehen kanta nahiko bizia da; amaieran batez ere, giro bare eta lasaia nabari da», azaldu zuen Joni Ubedak.

Urte osoa pasatu dute diskoa grabatzen, hainbat saiotan banaturik, Andoaingo Garate estudioan guztiak. Urtarrilean lau kanta grabatu zituzten, beste lau apirilean, eta azkeneko hirurak uztailean. «Era horretan lehendabiziko aldiz» grabatu dute diskoa Bide Ertzean-ekoek, eta «gustura» daude emaitzarekin: «Gaur egun hobeto zetorkigun horrela egitea. Prozesua luzea egin zaigu batzuetan, baina asmatu egin dugula uste dugu. Kantuei denbora gehiago eskaini diegu, gehiago landu... Lasaiago hartu dugu diskoa, eta merezi izan du».

Lana egiteko era aldatu dute, baina taldearen ezaugarriak eta musika estiloa «oinarri finkoak» direla argi utzi nahi izan dute berriro. «Hasieratik finkatu genuen gauzak azaltzeko era, eta horretan jarraitzen dugu. Leloak erabili baino, irudiekin jolasten gara, eta metaforak sortzen ditugu», adierazi zuten taldekideek.

«Gure jakinminak, gure ingurunea eta Euskal Herria nola ikusten dugun, gu geu nortzu garen...». Horiek dira, besteak beste, Esan bare diskoaren kantak jasotzen dituzten sentimendu eta inpresioak. Kirmen Uriberen olerkiak izan dituzte oinarri zenbait letretarako Iritsi dira notiziak, Zerotik hasi eta Zuhaitzen denbora kantak; Bitartean heldu eskutik liburutik hartuak. Jose Luis Otamendik, «gure diskoetan agertzen da beti», Konplotean dihardut olerkiaren egilea da Poza eta gero liburutik hartua; eta Mikel Ibarguren Hotel Bel-Air kantaren letrarena Deserriko karrikak liburutik hartua.

1998. urtean sortu zen Bide Ertzean, Tolosan. Atzo aurkeztutako diskoa taldearen bosgarrena da. Hemendik aurrera, lan berri hori ezagutzera emateko zuzeneko emanaldiei ekingo diote: azaroaren 5an izango da lehena, Durangon. Bilboko eta Andoaingo kontzertuetan Quique Gonzalez musikari madrildarrak kolaboratuko du taldearekin.