:::
MAIATZAK 10, LARUNBATA
::: Memoriaren parkea | SARTAGUDA,
NAFARROA
Sartagudan,
larunbat honetan
Larunbat
eguerdian inauguratuko da Sartagudako Memoriaren Parkea.
Mirentxu Agirre Nafarroako Fusilatuen Elkarteko lehendakariak,
Julio Sesma Sartagudako biktimen ordezkariak eta Roldan
Jimeno historialariak hitz batzuk eskainiko dituzte.
Jarraian, Lizarrako Koroaren emanaldia izanen da. Bazkalostean,
17:30ean hasita, Bide Ertzeanek, Taller de Kortxeas
koroak, Aurora Beltranek, Carmen Parisek, Inma Serranok,
Fermin Valenciak, Ruper Ordorikak eta Jose Antonio Labordetak
abesti bana abestuko dute. Enrique Villarreal El Drogas-ek
memoria historikoaren aldeko manifestua irakurriko du
gero, eta bi dokumental aurkeztuko dituzte.
Dokumentala
Maiatzaren
24an eguerdiko 12:00tan Ansoainen aurkeztuko da Iñaki
Alforjaren dokumental berria. Non dira diskoko musika
baliatu dute, besteak beste, dokumentala egiteko. Dagoeneko
trailerra ikusgai dago.
http://www.youtube.com/watch?v=d9Hl6ReTMjI
Memoriaren
Parkea
Castillo
Suarez idazleak iritzi artikulu argigarria idatzi du
Berrian, Sartaguda herrian datorren maiatzaren 10ean
inauguratuko duten parkearen harira. Bide ertzean zuzenean
arituko da, beste kantari askorekin batera.
http://www.autobusdelamemoria.org
Memoria
Aste
batzuk barru, Memoriaren Parkea mustuko da Sartagudan.
Nafarroan
ez zen fronterik ez lubakirik egon Espainiako Gerra
Zibilean, baina 3.280 pertsona inguru hil zituzten arrazoi
ideologikoengatik. Parkean omenaldia egin nahi zaie
hildako horiei guztiei batetik; eta memoria aldarrikatu,
osatu eta zaindu dutenei bestetik. «Bizitza bizitza
da, eta ez bere emaitzak». Bernardo Atxagaren
hitzok irakur daitezke parkearen euskarrietako batean.
«Bizitza bizitza da, handiena; kentzen duenak
kentzen du dena». Bizitza galdu zuten pertsona
guztien izenak ageri dira horma handi batean. Lazgarria
da pentsatzea zenbat gertakari eta sentipen dagoen izen
bakoitzaren pean.
Pablo
Antoñanaren testuak dioenez, «Gerretan
beti galtzen dute berberek, eta abiatzen dituztenak,
beti daude estalian». Bistan da, isiltasuna nahi
zutenek orduan isilik daude gaur egun ere. Bestalde,
isilik egotera kondenatu zituztenak denbora luzez egon
dira isilik.
Memoriaren
Parkea izan da isiltasun hori urratu duen ekimenetako
bat. Espazio ireki eta atsegin bat. Agur esateko toki
bat. Azalpenerako leku bat. Finean, denborak ezin izan
du estali alde batekoek jasandako oinaze handia; Jose
María Jimeno Jurioren hitzetan, «Oinaze
ikaragarria biktimentzat eta ezezaguna, ordea, borreroarentzat».
Eta
hori askoren lanari esker izan da, zer ospatua izanen
dutenak datorren maiatzaren 10ean, Sartagudan.
Joserra
Senperenak
lan berria aurkeztu du
Senperenak,
piano, kontrabaxu eta bateria hirukoteak jotzeko hamahiru
lan instrumental osatu ditu, disko aurkezpenean adierazi
bezala, honky-tonky tradizioaren ildoan.
Rafa Berrio bere adiskideak adierazi
bezala, “Azken Honky-Tonkerraren bila ez dago,
beharbada, uste bezain urrun joan beharrik: Kantauri
ertzera hurbiltzea nahikoa. Akaso orduan ikusiko dugu
donostiarra dela, eta Joserra Senperena dela, eta ez
beste bat, bere izena. Hipotesia ez da ezinezkoa. Halaxe
erakutsi du piano-joleak Dardaren interpretazioa izeneko
album berrian”. Senperena, Harkaitz Canoren izen
bereko poema liburuan oinarritu da, eta liburu horretako
hainbat poemei zor die izenburua translazio musikaletako
bakoitzak, hiru poemen kasuan salbu, poema ineditoak
izaki espresuki idatziak izan baitira hiru horiek albumerako.
Gaztelupeko Hotsak-en eskutik argitara eman da CD-a,
Errabal atalen.
"Oroitzapenak
kantak" disko-liburua
“Oroitzapenerako
Kantak” diskoa plazaratu berri du Ahaztuak
1936-1977 elkarteak, 36ko gerra zein gerraren
osteko memoria historikoa osatzeko. Kontzientziak astintzeko.
Besteak beste, Joni eta Imanol
Ubedak sinatutako kantua agertzen da bilduman.
Apurka taldeak frankismoko biktimen elkarterako espresuki
egindako Ahaztuak abestiak ematen dio hasiera “Oroitzapenerako
kantuak” disko-liburuari.
Joxe Mari Lopategi bertsolari
errepublikanoaren hitzekin Joni eta Imanol Ubedak abestutako
"Samiñak" kantua aurkituko duzue disko
honetan.
Eta
AK-37 Josu Zabalondo, Kloratita, Karidadeko Benta, Analupe
Fernandez, Fermin Balentzia eta Fermin Muguruzaren abestiak
ere.
Horretaz
gain, beste herri batzuetako talde eta musikarien abestiak
jaso dituzte Ahaztuak koletiboko kideek: Nuberu Asturiesko
taldearen "A los fugaos", Andaluziako Gente
del Pueblo taldearen "Pan, Trabajo y Libertad"
eta Rafael Amorren "La bicicleta".
Disko hau Gararekin batera salduko da martxoaren 7ko
asteburuan. Gara + 9,95 euroren truke, “Oroitzapenerako
Kantak” disko-liburua eskuratuko duzu kioskoan.
Ahaztuak kolektiboak ere saltzen du bere blogean disko-liburu
hau: http://ahaztuak1936-1977.blogspot.com/
Zuzeneko
argazkiak
Azkena
Rock 2007.
2003an taulagainean. 2007an lagunartean
:::
Azkoitiko irudiak,
07.03.31. +Photo
:::
Altsasuko irudiak,
07.01.27. +Photo
:::
Gasteszenako
irudiak, 06.11.15. +Photo
Altsasu
on my mind
:::
Alsasua 1936,
07.01.26
:::
Memoriaren
gogoa Altsasun, 07.01.19
:::
Iniciativa
en Alsasua, 07.01.19
©xabier
ubeda
|
